2+2 Café (已結業)

见facebook正推广3月份新出的士多啤梨芝士甜品，作为甜品迷，当然要试一试。虽然话钟意食甜品，但其实平时唔多去甜品buffet，顶多系正餐buffet搭埋甜品任食个种。平日黎到帮衬，原来都唔少人，特别系估唔到好多小朋友，因为本身谂住会系女性黎食居多。甜品款式唔算多，得10款左右，另外仲有雪糕同即场整既鸡蛋仔、班戟等等。原个要自己切件的士多啤梨抹茶蛋糕都ok，但有时中间d抹茶cream好似未解够冻，有d似沙冰。而细细旧易夹的new york cheesecake就最好食，比燕窝芝士挞好食。一杯杯的甜品有一只特别奇怪，就系朱古力热情果奶冻，因为两种味根本唔合拍，到头来最少人攞就系佢。雪糕系movenpick，自己觉得味道最好个款系蓝莓芝士饼。其实最估唔到系有少量热食供应，个萝卜糕好浓味几好食，而最正系卡邦尼长通粉(or意粉)，因为同样d酱料好入味、好浓厚芝士感，可以中和返d甜腻。另外仲有哈蜜瓜粒同菠萝粒，不过味道普通。质素唔系话顶级，但$140左右食到唔少野(虽然觉得蛋糕款式可以再多返d)，味道又过得去，咁已经算系满足到甜品控一时的心瘾。