影片
更多
2020-05-18
3817 浏览
好耐无嚟深水埗区食嘢喇，朋友推荐一间不限时任食鸡煲火锅嘅酒家，啱晒我哋聚餐。虽然叫酒家，但舖面唔算大，厅面应该唔多十枱，有卡座及圆枱，里面有房供应，最少要有八人。食店楼底高，老板话开业已有四年，冷气机清洁得唔错，环境干净企理。食物方面选择唔算好多，都有唔少系回本嘅选择，由其白鳝片，龙趸肉，牛小排，豚肉，响铃质素几好。以二百几不限时嚟讲性格比唔错，我哋一行四人除咗食嘢当然唔少得饮返两杯，都饮咗二十支左右蓝妹。蓝妹大支装$33，另外有一款系雪花牌$12，仲有款已经唔记得咗。其实鸡煲要辣先好食，感谢各位朋友嘅迁就，点咗bb辣嘅鸡煲，鸡煲味道可以，不过鸡肉真系几鞋。另外火锅拣嘅2号嘅花胶浓鸡锅，汤底几香，有一只鸡肶，但就见唔到花胶。花胶环球海鲜盘人头每位一份，每款一只，鲍鱼，虾，蛏子唔系活鲜，但肉质可以。白鳝片，龙趸肉系任点嘅回本位，大大片都几厚身。安格斯牛小排，第一次上嘅牛小排比较鲜红，之后颜色暗少少，口感唔差得远，都唔错，几嫩，牛味唔算重。朋友话西斑牙白豚肉好味，唔肥又唔会鞋系唔错嘅。即炸脆响铃，图中系第一碟，之后嘅更脆更好味。丸类饺类都大大粒。除咗蔬菜类，仲有点水鱿鱼，鸡子，不过挂住饮酒
其实鸡煲要辣先好食，感谢各位朋友嘅迁就，点咗bb辣嘅鸡煲，鸡煲味道可以，不过鸡肉真系几鞋。
另外火锅拣嘅2号嘅花胶浓鸡锅，汤底几香，有一只鸡肶，但就见唔到花胶。
花胶环球海鲜盘人头每位一份，每款一只，鲍鱼，虾，蛏子唔系活鲜，但肉质可以。
白鳝片，龙趸肉系任点嘅回本位，大大片都几厚身。
安格斯牛小排，第一次上嘅牛小排比较鲜红，之后颜色暗少少，口感唔差得远，都唔错，几嫩，牛味唔算重。
朋友话西斑牙白豚肉好味，唔肥又唔会鞋系唔错嘅。
即炸脆响铃，图中系第一碟，之后嘅更脆更好味。
丸类饺类都大大粒。
除咗蔬菜类，仲有点水鱿鱼，鸡子，不过挂住饮酒就冇影相啦。
除咗罐装饮品，仲有一渣渣嘅清热饮品。
张贴
