関東酒場 (已結業)

大角咀清酒放题，餐厅位置虽然唔算方便，但饮酒放题真系好吸引，一于试试佢。同朋友拣咗松放题，本身担心只系得小食会唔会唔够饱，但每人三款关东煮两款小食，另外我哋仲叫咗一个烧物盛盒，原来系会饱到反艇🤣一坐低梗系叫两杯果酒解解渴先，柠檬柚子酒、蜜柑酒，呢两款都非常好饮，去到最后我一个人饮咗各三杯，不断encore同样嘅酒。中途都有试佢嘅九头龙清酒，不过可能女仔都系钟意饮啲甜甜地易入口嘅酒，所以最后都系不断饮返果酒🤣关东煮感觉上系不断煮紧，好似便利店𠮶啲丸物咁，比较淋身。炸鸡软骨，香口，送酒一流。炸鸡块芥末八爪鱼配紫菜花鱼一夜干蟹肉蟹膏甲罗烧，总系觉得蟹膏偏咸应该要配白饭🤣可以唔计住计住，想饮咩就叫咩叫感觉真系好爽，钟意饮酒嘅朋友真系要试一试。