川婆婆 (利園山道) (已結業)

这次见铜锣湾开咗间新嘅川婆婆，就入去试下先，我叫咗酸菜鱼、香辣台湾肠、香辣鱼皮饺，仲有炸大肠，全部都系辣点可能唔饮嘢，叫咗荔枝伯爵红茶。系食物个方面，在我来讲，我觉得香辣台湾肠及香辣鱼皮饺都系一般，因为佢既汤底系用麻辣烫，将台湾肠再加鱼皮饺煮熟后，再落辣椒粉，冇乜特别。跟住我要讲既系炸大肠，话明炸大肠系炸，咁啫系炸到脆卜卜声，但，相反我食唔出卜卜声，反而有点韧。不过，我要赞赏下，佢嘅酸菜鱼，酸菜鱼真心系唔错。佢既酸菜鱼系鱼块，但我都食到有少许鱼骨，所以我建议要小心慢慢食。酸度适中，辣度有得拣大中小辣，我就叫咗小辣，对我嚟讲小辣系我接受到既辣度。酸辣鱼嘅配菜方面有海带、芽菜、酸菜、大白菜等等，海带、芽菜爽口，酸菜我平时唔系好食，我都食到，咁大白菜入到味，整体而言酸菜鱼，值得推介👍🏾系饮品方面，荔枝伯爵红茶，荔枝味比较淡，基本上伯爵红茶抢夺咗荔枝味，但都好饮嘅，又或者系伯爵红茶味本身带有少少似荔枝味，所以先叫荔枝伯爵红茶。