豐原

营业中

休息中

大家都知道屯门建生系特别多嘢食，呢间台式餐厅一眼就吸引咗我注意力，所以就揾日去咗间餐厅度试，果然系冇令我失望(｡ì _ í｡)麻辣鸭血猪软骨粉丝（小辣） 份量好多，本身望落去以为会食唔饱，点知食落其实都几饱肚 衰鬼～鸭血唔腥，冇啲奇奇怪怪嘅味道，处理得唔错，俾咗三大嚿望落去好似好少咁，但其实真系真系好饱 至于个猪软骨，软骨嘅部份系炆到淋晒，非常之入味，呢一点我十分之钟意，但美中不足之处就系佢啲肉质有啲韧。粉丝就系一般嘅粉丝，冇话特别淋，或者碎。至于个汤底都冇乜特别，开头觉得小辣唔辣，但食食吓其实都有浸麻味，食得多仲有啲口渴。冻冬瓜茶（少冰少甜） 讲到台式饮品店可以少得冬瓜茶，讲真呢个冬瓜茶一定冇出边啲手摇饮品咁好饮，但系讲到餐厅来讲叫佢少甜有少甜，少冰有少冰，仲要冇呃秤，一杯装到满晒我都非常之满意。总括嚟讲，呢间野我得闲经过想食嘅话都一定会再食。 食物嘅水平唔差，中上咁上下，如果我住楼上都应该会周不时encore。