影片
更多
2012-03-09
244 浏览
起身都十点几，十一点就要出门离开，二人都未食早餐，当然要医肚啦知我心的你，知道我都唔太好食茶餐厅就问我想食粥定饮茶，最后还是决定左去饮茶。所以黎左哩间，因为之前黎过，同埋哩间最近嘛。上到去，冇人招呼的，冇人问你几多位然后帮你安排搭枱。可以话好自由既，比你自己拣想同边d人搭枱。但另一方面就系无服务啰。点野食，其实就想食粥既，唔知点解饮亲茶都偏爱要叫粥食，但之前食过哩度d粥麻麻，所以今次都冇再叫。点左香煎虾米肠，虾饺，牛肉球，爱人想食糯米卷但哩度冇，又咁岩见到大排档位有叉烧餐包！@v@ ，我地两个都咁钟意食，即叫啦！叉烧餐包系点心纸上没有的 。叉烧餐包一碟三个，偏细，而且一点也不热，(可能放在柜中已一段时间)餐包面上的糖浆不会太多太甜，包皮略厚但也算松软。叉烧酱唔算太多，而且叉烧份量也不多，比起我地黄大仙食的热辣辣叉烧餐包真系差好远香煎虾米肠:肠粉尚算滑，口感不错，唔会太厚，睇得出有煎过，但如果可以煎得㶶少少多少少脆就更加好勒。虾饺大大粒鲜虾尚算弹牙，而且饺皮不会太厚，不错。山竹牛肉球牛肉球的碟内水比较多，落左少少喼汁落去但d水+汁就黎满泻味道不过不失。食完再叫，叫左南瓜炸虾卷同叉烧包，又
起身都十点几，十一点就要出门离开，二人都未食早餐，当然要医肚啦
知我心的你，知道我都唔太好食茶餐厅就问我想食粥定饮茶，最后还是决定左去饮茶。
所以黎左哩间，因为之前黎过，同埋哩间最近嘛。
上到去，冇人招呼的，冇人问你几多位然后帮你安排搭枱。
可以话好自由既，比你自己拣想同边d人搭枱。但另一方面就系无服务啰。
点野食，其实就想食粥既，唔知点解饮亲茶都偏爱要叫粥食，但之前食过哩度d粥麻麻，所以今次都冇再叫。
点左香煎虾米肠，虾饺，牛肉球，爱人想食糯米卷但哩度冇，又咁岩见到大排档位有叉烧餐包！@v@ ，
我地两个都咁钟意食，即叫啦！叉烧餐包系点心纸上没有的 。
叉烧餐包
一碟三个，偏细，而且一点也不热，(可能放在柜中已一段时间)
餐包面上的糖浆不会太多太甜，包皮略厚但也算松软。
叉烧酱唔算太多，而且叉烧份量也不多，比起我地黄大仙食的热辣辣叉烧餐包真系差好远
香煎虾米肠:
肠粉尚算滑，口感不错，唔会太厚，睇得出有煎过，但如果可以煎得㶶少少多少少脆就更加好勒。
虾饺
大大粒鲜虾尚算弹牙，而且饺皮不会太厚，不错。
山竹牛肉球
牛肉球的碟内水比较多，落左少少喼汁落去但d水+汁就黎满泻
味道不过不失。
食完再叫，叫左南瓜炸虾卷同叉烧包，又叉烧包？系 （因为见到搭枱的人果笼叉烧包d 叉烧好似好满咁）
南瓜炸虾卷
一碟三条，淡金黄色的表皮，虽然一向唔食炸野但都睇得出应该唔系番炸
热辣辣咬落去几脆，而且炸果层皮唔会超厚，但就比较油啰，虽然下面已经垫左张索油纸
南瓜好甜，虾的份量就少左D。
叉烧包
热辣辣，叉烧包内酱汁味度不错，份量适中，唔会话多到满泻。
这里的食物质素尚算不错但，尚有改善空间，是日食到饱饱满足离开。
张贴