德里.西廚 (已結業)

之前搭车经过见到佢装修得几靓，有啲似cafe嘅气息，就揾日去试下。以为贵，原来都算平！全日唔加一，但只收现金，Average唔食扒都系五十左右，全部饭粉都有得半价加野饮。叫左一个西班牙咖哩鸡扒饭，好impressive!!块鸡扒好大块又煎得几好食！好juicy！推介！不过个咖哩如果系再辣啲就好，唔辣嘅个咖哩汁。加多杯半价左$10嘅冻柠茶，都唔错。仲有一个xx肠肉酱意粉，加$19转套餐有汤有牛角包有野饮有甜品，汤同包好普通，汤有啲水，浓啲好；包可以热啲，不过都好香牛油味。个肉酱意粉又系普通，同其他地方如大x乐差唔多，不推介。个甜品系蛋糕仔，应该系homemade。埋单一个$55，一个$65。