馬家莊清真館 (已結業)

次次去太子旺角搭车经过时都话下次去试下食，但次次都忘记，今次专登搭车出去食。去到当然试下最出名既金牌牛肉馅饼和京葱羊肉馅饼，我唔食羊食咗牛肉馅饼，哗！里面真系好多汁，啜极都有，味道不错，仲无九龙城果间咁咸。羊馅饼就由老公食，佢话唔“苏”，但唔讲就真系唔觉D肉系羊，又系劲多汁。见有人推介咕噜鸡球炒面，即叫，个汁似锦卤云吞个甜酸汁，鸡肉滑好味，个面好脆，都大碟。另外叫咗咖喱牛腩饭，虽然见人评语普通，但都要试下。OK㖞，辣道接受到，食到有唔同香料系入面，初初食唔觉辣，之后D辣慢慢渗出，坚㖞，捞少少落饭已够，食剩好多咖哩，想叫薄饼，但太饱食唔落。食完餐饭，两人$208，价钱都合理。