上海姥姥 (馬鞍山廣場)

营业中

休息中

星期五晚，同妈妈行开新港城。大概七点，见到上海姥姥出面大排长龙。见到佢咁受欢迎，就试下佢啦。入到去都坐得几舒服，唔会太逼。等左大概十分钟就上菜啦。蒜蓉白菜。油唔算太多，味道都适中。唔错 担担面。份量十分之多。一个女仔一定食唔晒! 肉碎略嫌太少。整体几好食!冷盘三拼，薰鱼，猪手，醉鸡。最好食呢个! 薰鱼唔会太多骨，细骨都可以食落肚。醉猪手既味道十分好，酒味岩岩好，食落精神! 醉鸡就反而比较多骨，而且肉唔多，有少少食到成口骨都未食到肉。建议各位可用熏蛋去取缔呢个。招牌小笼包都好正! 皮不会太厚，肉质弹口，一咬穿皮已有汤流出。正! 食物味道不错。两人食咁多野系食到超饱! 埋单$200。价钱公道。