影片
更多
2014-08-02
2457 浏览
今日搭好耐无坐嘅叮叮去铜锣湾，差唔多到SoXo时见到南翔馒头店，公主我就突然好想食小笼包。唔好谂，一于就落车去食啦。行到去门口，都系11点几，人地啱啱开舖我地一行三人就入去喇坐低睇下menu，哗！乜得啲小笼包咁贵嘅？因为公主食开翡X嘅小笼包，又平又好食。不过话晒南翔系车胎人推介，应该唔错嘅～所以照食啦！睇晒menu，于是叫咗5样嘢最先到嘅系孜然羊肉。同我预期嘅唔同，我同妈妈都以为系蒙古式，较干身嘅烤羊肉。但原来系湿炒，类似京葱爆羊肉再加上孜然味。唔算油，不过羊肉有点硬，孜然味唔太突出，羊味都比较淡。如有下次可以不点。咸肉菜粒炒饭啲饭劲硬咸肉好细粒，亦无香味。呢个完全唔好食，唔推介。呢个锅塌豆腐真系好正，系妈妈少有嘅推介，系真心好食。外面嘅皮好似玉子豆腐煎过后嘅皮，好薄又唔腻，里面嘅豆腐好滑，如果再重啲豆香味就好。嘛～世事无两全其美嘅，不过配埋上面嘅芫莤一齐食真系好正。我地叫咗6只小笼包，每人两只。（menu得4只，个经理好醒咁叫我地order 6只，可以平均share，抵赞！）公主我食小笼包食得好刁钻㗎：先夹起然后咬开顶部，嗯，个顶比起翡X嘅厚，不过唔硬同系熟嘅，而且听讲上海正宗嘅都系
行到去门口，都系11点几，人地啱啱开舖我地一行三人就入去喇
坐低睇下menu，哗！乜得啲小笼包咁贵嘅？因为公主食开翡X嘅小笼包，又平又好食。不过话晒南翔系车胎人推介，应该唔错嘅～所以照食啦！
睇晒menu，于是叫咗5样嘢
最先到嘅系孜然羊肉。
同我预期嘅唔同，我同妈妈都以为系蒙古式，较干身嘅烤羊肉。但原来系湿炒，类似京葱爆羊肉再加上孜然味。唔算油，不过羊肉有点硬，孜然味唔太突出，羊味都比较淡。如有下次可以不点。
咸肉菜粒炒饭啲饭劲硬咸肉好细粒，亦无香味。呢个完全唔好食，唔推介。
呢个锅塌豆腐真系好正，系妈妈少有嘅推介，系真心好食。外面嘅皮好似玉子豆腐煎过后嘅皮，好薄又唔腻，里面嘅豆腐好滑，如果再重啲豆香味就好。嘛～世事无两全其美嘅，不过配埋上面嘅芫莤一齐食真系好正。
我地叫咗6只小笼包，每人两只。（menu得4只，个经理好醒咁叫我地order 6只，可以平均share，抵赞！）
公主我食小笼包食得好刁钻㗎：先夹起然后咬开顶部，嗯，个顶比起翡X嘅厚，不过唔硬同系熟嘅，而且听讲上海正宗嘅都系厚顶，所以ok啦。之后再饮入面嘅汤汁，汤汁多同埋好清甜，唔会又油又有臭猪肉味。最后就系倒黑醋入去个汤包入面，一啖放晒落口食，肉质松软唔会死实，不过肉味唔浓，而较厚嘅外皮有朕面粉香味。公主我觉得同翡X比，南翔系个素颜少女，水润清淡；而翡X则系个浓妆美人，香气四溢，各有千秋。（呢个人响度扮文青！）
最后响甜品果版拣咗个椒盐腰果酥。如果唔要求椒盐腰果酥系要有椒盐味加腰果味，同埋面头嘅黑芝麻有芝麻味，斋食个酥系相当松化好食。
公主我觉得整体呢讲唔算超级好食，但小笼包都可以一试。最搞笑系我地就嚟食完，佢见开始多人先开行冷气，想冻死公主我咩？
p.s. 个玫瑰花茶几好饮㗎，记得试呀！
张贴
