鄰居

营业中

休息中

呢间汉堡专门店主打手工牛肉汉堡，可以配唔同嘅芝士、蘑菇或者黑松露酱，我叫咗最简单嘅美式牛肉汉堡($48)，朋友钟意食菠萝所以叫咗邻居汉堡($64)，入面仲有烟肉同炒蘑菇丝，另外再share个洋葱圈😋卖相唔错，唔系好华丽但吸引到食客，面包甜甜地、好似餐包，芝士未去到拉丝，不过焗熔咗所以更融入到汉堡，汉堡扒表面有煎到微浓，一路食都会滴肉汁出嚟，但未去爆汁𠮶种🙈初头以为冇酱汁，原来喺晒同一边🤣系有啲芥末味嘅千岛酱咁，如果比多啲就会更好😉邻居汉堡相对上比较juicy、冇咁干身，可能因为菠萝汁同烟肉嘅油份，烟肉有浓边又唔会煎到硬晒，菠萝表面都有微微焦浓，整体嚟讲口感几丰富，系预期中嘅味道😆洋葱圈即叫即炸，嚟到嘅时候一大浸热气涌上嚟，咬落去脆卜卜，粉浆厚薄啱啱好、松松地唔会太实👍🏻