影片
更多
2020-07-05
562 浏览
今日行街行到攰一个人又唔知食乜嘢，经过女人街发现好多舖头都冇咗，特别系中间卖林沈野嘅舖头都执咗，所以终于可以望到女人街嘅另一边，亦因为咁我发现到呢一间餐厅。见到佢个牌有一个好得意好似beef wellington嘅菜式，叫做”酥皮法国鹅肝牛柳”，仲要系买$99，所以我就入咗去试吓喇。入到去就有个好好笑容嘅楼面过嚟招呼我，虽然而家大家都需要戴口罩，不过佢𠮶只笑容系对眼度都发到出嚟，感受不错。打开餐牌发现其实佢有好多唔同嘅嘢食，不过我都系比𠮶个$99嘅”酥皮法国鹅肝牛柳”吸引着。呢个牛柳餐有得跟薯菜或者饭意粉，我就拣咗意粉，而鹅肝仲有得加$19加大，咁$19蚊okay la，所以我就加左。除此之外仲发现到佢哋有生蚝。落单时候楼面仲温馨提示今日生蚝$100蚊5只，咁我就嗌埋啦。未赞之前弹一弹，因为小弟人有三急就走咗入去厕所，发现个厕所好唔掂。要搞搞喇！去完厕所返嚟，一个白汤同一个蒜蓉包已经放咗喺枱面。蒜蓉包同白汤都系基本野，唔系特别出色亦唔算太差，系个白汤我个人觉得淡咗少许。个汤饮到一半个餐就来啦。上到枱面真心𠮶句失望左一下，原因系个出品同张相真系两样野黎。不过我都系着重味道嘅，仲要佢呢个价
见到佢个牌有一个好得意好似beef wellington嘅菜式，叫做”酥皮法国鹅肝牛柳”，仲要系买$99，所以我就入咗去试吓喇。
入到去就有个好好笑容嘅楼面过嚟招呼我，虽然而家大家都需要戴口罩，不过佢𠮶只笑容系对眼度都发到出嚟，感受不错。
打开餐牌发现其实佢有好多唔同嘅嘢食，不过我都系比𠮶个$99嘅”酥皮法国鹅肝牛柳”吸引着。呢个牛柳餐有得跟薯菜或者饭意粉，我就拣咗意粉，而鹅肝仲有得加$19加大，咁$19蚊okay la，所以我就加左。除此之外仲发现到佢哋有生蚝。落单时候楼面仲温馨提示今日生蚝$100蚊5只，咁我就嗌埋啦。
未赞之前弹一弹，因为小弟人有三急就走咗入去厕所，发现个厕所好唔掂。要搞搞喇！
去完厕所返嚟，一个白汤同一个蒜蓉包已经放咗喺枱面。蒜蓉包同白汤都系基本野，唔系特别出色亦唔算太差，系个白汤我个人觉得淡咗少许。
个汤饮到一半个餐就来啦。上到枱面真心𠮶句失望左一下，原因系个出品同张相真系两样野黎。不过我都系着重味道嘅，仲要佢呢个价钱，所以大方d由佢啦。佢个意粉系茶记嘅茄汁意粉，当然佢唔会系al dente，但佢亦都唔会好似坊间𠮶啲淋patpat，我就觉得不错啦。到戏肉牛柳，如果大家有食过金凤嘅我觉得佢嘅牛柳同金凤嘅差唔多，味道足够，亦都唔会太生或者太熟。鹅肝就干左少少，但都唔会太熟变左猪润，仲要佢会毡一块法包喺底吸油，虽然卖相真系唔系咁好，不过都算细心。酥皮就冇乜特别，有返酥皮应该有嘅味道同埋香味。三种食物夹埋一齐食落口的确系几特别，我都食得好高兴。
到个生蚝喇，真嘅我一见到都呆左，咁大只嘅？！数一数，咦？$100蚊5只，我呢度有半打㖞？！咁多谢呀～虽然佢好大只又益多我一只，但点都好，个味道先系重点。呢个生蚝味淡，冇海水及不爽，还算creamy，建议配汁食。其实我有谂过会唔会系急冻半壳生蚝，不过就算系都正常， $100蚊5(6)只你想要啲乜嘢啊？有咁大只俾你你应该要好开心啦，做人唔好咁贪心，所以我都冇深究，好好享受埋我个晚餐。
食完晒d野原来我个餐仲有野饮同甜品送，都几好。最后因为现金唔够，想碌卡之际楼面姐姐就建议我用支付宝，搞笑嘅系我都唔识用。通常去到呢d情况都会一系西个客面一系就帮我碌卡，但佢冇，佢反而帮我整支付宝(本身有，不过唔识用)，最后仲帮我平咗两蚊！
总结今次晚餐经历系好开心。系一个续渐改头换面嘅旧区入边，发现到一间仲好有人情味嘅旧餐厅。价钱平民，但用心，特别系对客人嘅关心。虽然味道系取决一切，不过餐厅对客人嘅态度绝对系留住客人嘅重要元素。每个人对嘅食物睇法都唔同，有人去完食完可能会觉得呢一间餐厅嘅出品系垃圾，但公道啲讲一句，人地收你几多钱？我可以讲一句用呢个价钱喺出边食饭都未必可以比到一个好似我今次咁满足咁开心嘅用餐体验。要批评好简单，但懂得真心欣赏别人嘅好，唔系个个都做到。
20 浏览
0 赞好
0 留言
酥皮法国鹅肝牛柳
34 浏览
0 赞好
0 留言
酥皮法国鹅肝牛柳
31 浏览
0 赞好
0 留言
酥皮法国鹅肝牛柳
62 浏览
0 赞好
0 留言
日本广岛生蚝
26 浏览
0 赞好
0 留言
17 浏览
0 赞好
0 留言
11 浏览
0 赞好
0 留言
张贴
