醉吾串

营业中

休息中

今日约咗朋友去做运动，做之前想食少少嘢，见到呢度有间日式串烧，舖仔细细，几有特色。我哋试咗佢个鸡心，鸡肝同埋鸡肾。原本我都好惊食鸡心会有啲奇怪嘅味道，但系原来佢个口感都几特别，偏向带点爽脆嘅口感。而鸡肝都几香，识落嘅口感都有啲似食鹅肝，粉粉地。个鸡肾都唔错，唔会烧到太干。另外我哋仲叫咗串鸡翼，鸡翼都系烧到啱啱好，啲肉都仲够嫩滑，如果个皮再烧得脆啲就更加正。另外我哋仲试咗鸡腿肉，鸡柳同埋鸡皮。鸡皮都嫌佢有啲唔系好够脆同干身。而鸡腿肉块鸡皮就够晒干身，但系中间鸡腿肉嘅位置就好似唔系好够熟，有啲难咬。最特别嘅个鸡柳，一见到佢有啲粉粉地，一开始都唔敢食。不过职员行埋你同我哋讲鸡柳系咁样嘅，因为如果全熟嘅话会好鞋，我哋食完都觉得原来真系啱啱好。呢度值得赞嘅系佢个黑松露薯条，真系有一片片嘅黑松露喺面，黑松露好香，薯条都好香脆。饮品方面我就叫咗杯Oreo沙冰，佢呢个沙冰应该系Oreo打碎左再加奶，因为沙冰嘅关系佢唔会太甜。而朋友就叫做杯菠萝沙冰，不过佢话呢度嘅菠萝沙冰系用罐头菠萝，所以还好。