墾丁茶房 (已結業)

星期五食lunch，本身谂住去大本型foodcourt，但系因为我哋实在太多个人，所以揾唔到位，然之后，我哋12个人就去咗食垦丁茶房。睇个名就知系食台湾野。我叫咗个盐酥鸡扒汤面，随餐附送冻或者热嘅蜂蜜红茶。大概7至8分钟后，碗面就到左啦，盐酥鸡扒系另上嘅。碗面里面有好多一粒粒绿色嘅物体，我冇估错嘅话应该系豆角，都几好食。首先，呢啲豆角充满水份，咬落去非常脆口，咁好味又要系健康嘅嘢食，真系想食多啲。好彩，豆角嘅份量都唔算少，食到最后都仲有。呢啲面条，亦都整得几好，起码佢做到有个台湾面嘅感觉，虽然同台湾嘅红烧牛肉面汤底唔同，但佢个汤底清得黎又几好食。最后就要讲讲个盐酥鸡扒，最令我惊喜嘅系，个盐酥鸡扒并唔会好似豪大大鸡扒𠮶啲帮你落咗好多粉去调味，佢上枱个盐酥鸡扒净系会炸左同埋落少少粉，另外可唔可以上三日唔同嘅调味粉俾你自己调味，自己选择落调味粉嘅份量，咸味辣味自己拣，先至系老板。总结：下次黎食嘅话我唔会依个餐，因为我觉得，呢间餐厅仲有好多嘢食可以俾我发掘。