金記冰室 (已結業)

去朋友家打机, 是元朗较入既屋苑, 去到楼下都冇咩野食, 好在仲有间茶餐厅开左。装修都几好, 感觉坐系到食都好正, 够大够阔落。 不过人地都快关门, 就急急脚叫外卖走人。佢地包野都唔错, 野饮仲有内隔, 少左倒野既机会。叫左老火汤, 个日是西洋菜汤, 都好足料, 好多西洋菜同猪骨。唔会好味精好咸, 味又够, 都唔错沙姜鸡饭, 几香, 沙姜味重, 鸡肉既肉都好嫩, 唔会粗。朋友叫左咖哩牛腩, 呢个抵赞, 咖哩好茶餐厅式, 够香浓惹味, 而且料都OK多。送饭一流, 忍唔住送多啖饭。两杯野饮都OK, 特别是红豆冰, 味道足唔会好水, 红豆又多。好饮。整体呢间唔错, 套餐有汤饮, 个汤都OK, 要是可以坐又舒服, 下次去朋友家可以再去。