Dionysus (已結業)

今日第一日试业我就去食咗个晏啦，好少见大埔有d装修咁靓嘅西餐厅。叫咗两个set lunch，set lunch 有头盘或汤，主菜，甜品同咖啡或茶，睇个价钱好超值。头盘我哋叫咗尼斯吞拿鱼沙律，吞拿鱼同菜都好新鲜，好好味。主菜就试咗烧牛腹排伴法式甜椒及薯蓉（午餐$108）同香煎石斑伴藜麦（午餐$76）。个牛好有牛味好嫰，d椒煮得啱啱好无炒过淋。好鱼好有惊喜，煎得好香口，啱啱好。个藜麦做得好好，食落好清新。两个main嘅presentation 都好靓。今日甜品系brownie不过我个人不太好，但都不过不失。呢间餐厅喺大埔算系一间几唔错嘅选择，环境唔错，坐得舒服，服务员态度仲非常好，一定有回头。