#OMG (已結業)

今日圣诞节，一家五口去奥海城行下，见到有间叫#OMG 嘅港式西餐厅试下个下午茶，入面嘅装修好young, 因为我只食过自己嘅野，所以只讲一道菜嘅食评。我叫左个迷你日式海鲜蛋包饭（40蚊），好快就有得食，叫得迷你当然都系唔太大份，但下午茶黎讲系够食嘅，味道唔错，但海鲜比较少。蛋煮得够滑，入面嘅饭唔系平时嘅茄汁煮，似系用日式酱油煮过，唔太浓味，加埋佢嘅蕃茄牛肉汁落d饭度食就啱啱好啦。海鲜当然都系急冻海鲜，有虾，有鱿鱼粒。40蚊包一杯餐饮其实又不错，如果细食嘅人仲可以当early dinner 咁就好抵啦。