一口沙嗲專門店

营业中

休息中

想食沙嗲串烧，上网见呢间叫"一口沙嗲专门店"，可以连串烧炉一齐外卖拎番屋企，所以试下。铺头位于西环石塘咀，由港铁香港大学站一出行两分钟就到，好方便！ 我今次试试沙嗲牛，猪，鸡，羊肉，4大包，大概每包$70至$80，一包内有成12串串烧。另外，酱料方面有原味和辣味花生酱，各40元，价钱都好超值! 而且每包串烧和酱料都是密封包装，感觉上好卫生干净！ 串烧用的电子炉大概二百几蚊买到，如果买十个串烧包会送一个电子炉比你, 仲可以免费送货，下次可以买多d，试下屋企开party的时候帮衬，唔洗自己煮。 最后，味道方面每支串烧都整得好入味，好好食， 个人特别喜欢食串烧羊肉，冇‘苏‘味！酱料方面是店家自制的，我钟意食原味，加热两三分钟，特别好食! 辣味有粒粒花生都好正，略嫌油左少少。 两个人食4包串烧，已经好够，仲可以系屋企一路睇电视一路慢慢烧，hea下。