翰林茶館 (已結業)

同屋企人去尖沙咀行街，屋企人话想食台湾野就去左呢间翰林茶馆，之前经过都买过野饮，但食午餐就系第一次。佢有午市套餐，都几抵食。吾洗加一，有饭有面选择，包一杯野饮。我叫左一个脆脆鸡腿米粉同熊猫奶茶，鸡腿系即叫即炸，所以食落好脆，d肉都好滑。杯奶茶，茶味都好香，珍珠都好烟韧。屋企人就叫左红烧牛腩铁观音面，听佢讲个牛腩都好淋，几好味。如果系海港城想平食，呢间茶馆系一个不错的选择。特别一提，佢环境好好，系对住一个无敌大海景，好舒服。