The Night Market (士丹利街) (已結業)

哩日去中環攪相片，順道附近晚飯醫肚。因為太耐無嚟中環行，都唔知食乜好，上網胡亂找找，搵到哩度台式食店，未試過，又試下。打開餐牌，睇到餐廳推介嘅招牌菜，當然要試試。招牌菜我點咗咸蛋炸苦瓜、蚵仔大腸麵線。咸蛋炸苦瓜一上枱已經聞到非常香濃嘅咸蛋味，未食都流晒口水，食落苦瓜嘅苦味很淡，應該適合不少人吃，值得一試。至於蚵仔大腸麵線亦不錯，大腸味道適中，沒有濃烈嘅膻味，蚵仔每粒都完整，口感不錯，而麵湯濃稠，口感有點像碗仔翅，甜甜地，最特別是那麵線，比平常的粉絲還幼，整體嚟講很好，都係值得一試的美食。另外，還要了紅燒排骨及炸蚵仔，味道還可以啦