元味壽司刺身專門店

营业中

休息中

住咗喺湾仔好多年嘅朋友推介呢一间小店，话喺街坊之间呢间舖头都非常出名，虽然餐厅细细，但好好食，所以我就入咗去试一试。里面舖头非常细只有五个座位，坐得唔算系好舒服。呢度叫寿司就好似食omakase，寿司系即叫即做，师傅会即刻握比你。佢啲饭其实握非常唔错都几实、几有口感㗎。不过鱼生就一般般啦，不过睇返佢嘅价钱其实性价比已经非常之高啦。入面最好食应该系个军舰，味道系几特别嘅，佢似乎系辣味三文鱼。夜啲鱼生其实食落都算系新鲜嘅，虽然舖头望落好似卫生情况麻麻，但食完冇肚痛。最后我好大头虾咁喺舖头跌咗几百蚊，然后我一行出门口，里面嘅师傅即刻追出嚟俾返几百蚊我，非常感谢佢。呢间舖头，我见好多街坊都会嚟帮衬买外卖，以呢个价钱来讲，口痕嘅时候去食都唔错。