壽司派 (已結業)

琴晚难得可以同几个中学同学聚旧，一向钟意试唔同餐厅既我决定揾间静静地又可以坐得舒舒服服又唔会比人赶既餐厅。　世贸中心系个唔错既选择，因为佢地怕肥，所以就食日本野ｌａ。　我地一行四人，ｂｏｏｋ左　８：３０，最钟意迟到既我居然早到，所以可以慢慢拣食咩。Mｅｎｕ以寿司为主打，主菜及热食并不多。　等左１０分钟到，佢地三只野终于到ｌａ。睛睛，琪琪同小云就一齐尼，因为佢地全部住九龙。佢地全部都系三文鱼怪，所以叫左６碟三文鱼及６碟海胆寿司。佢地既三文鱼值得一赞，鲜橙色同好鲜甜。另外仲叫左４碗蒸蛋同４碗乌冬，个蛋仲好鬼滑。　最后，当然唔少得刺身ｌａ，因为叫得太多三文鱼ｌａ，所以睛睛同琪琪就叫左３碟𫠒鱼刺身。当我地饮饱食醉时，琪琪就提议上埋满记食甜品，所以食左１个钟到就埋单ｌａ。初初睇格局以为都会几贵，但系埋单都系７百蚊到。仲有，呢间餐厅唔会赶你走，ｄ服务能度都几好。几时都话，食寿司要多人食先至抵食，但系下次都唔知几时可以约埋佢地三只野再擦过！