影片
更多
2014-07-11
1101 浏览
因为某啲原因，我都上唔少女仆cafe。我成日觉得如果你系为左食物而上女仆cafe就算吧啦⋯因为试过咁多间，整体俾我感觉第一就系好贵，差不多要近200蚊落楼，第二就系好难食，你可以去同一间野点同一样野食但可以次次唔同味，好似擦擦卡咁你永远唔知会抽中咩俾你食。第三亦都系最重要就系永远唔够饱，你点都估唔到俾成200蚊都可以食唔饱。所以去女仆cafe讲到尾主角都系女仆。但其实我觉得佢地重点摆错哂，一间餐厅无论系咩主题都好，食物先应该系主角。讲返正题，呢间A.T. Field 首先环境方面啲嘈，有部电视系咁播动画，如果想似一般cafe咁静静睇下书可能你会失望，但我可以话你知一般女仆cafe都会有啲嘈，总有一枱毒撚系附近大大声玩游戏倾计，但相对地都几有家嘅感觉，有时三五知己上去嘅话又唔洗太怕嘈亲人，有时岩咀形嘅走埋去隔离枱玩都无人会话你。话就话限坐两个钟，但过左钟都无人赶你走，呢一点比一般女仆cafe宽松。食物方面我觉得中上，每次食都可以煮返同一样野出黎我觉得抵赞，特别系厨师推介简中会有啲新菜色水准唔错，最近试左个苹果烩饭，毕起饭粒之间会有啲糖丝痴住好得意，呢个菜系出面未食过，作为女仆cafe可以
我成日觉得如果你系为左食物而上女仆cafe就算吧啦⋯因为试过咁多间，整体俾我感觉第一就系好贵，差不多要近200蚊落楼，第二就系好难食，你可以去同一间野点同一样野食但可以次次唔同味，好似擦擦卡咁你永远唔知会抽中咩俾你食。第三亦都系最重要就系永远唔够饱，你点都估唔到俾成200蚊都可以食唔饱。所以去女仆cafe讲到尾主角都系女仆。但其实我觉得佢地重点摆错哂，一间餐厅无论系咩主题都好，食物先应该系主角。
讲返正题，呢间A.T. Field 首先环境方面啲嘈，有部电视系咁播动画，如果想似一般cafe咁静静睇下书可能你会失望，但我可以话你知一般女仆cafe都会有啲嘈，总有一枱毒撚系附近大大声玩游戏倾计，但相对地都几有家嘅感觉，有时三五知己上去嘅话又唔洗太怕嘈亲人，有时岩咀形嘅走埋去隔离枱玩都无人会话你。话就话限坐两个钟，但过左钟都无人赶你走，呢一点比一般女仆cafe宽松。
食物方面我觉得中上，每次食都可以煮返同一样野出黎我觉得抵赞，特别系厨师推介简中会有啲新菜色水准唔错，最近试左个苹果烩饭，毕起饭粒之间会有啲糖丝痴住好得意，呢个菜系出面未食过，作为女仆cafe可以系菜色方面有突破好难得，唯一可改善嘅系落油有啲重手，浪费左苹果应有嘅清新。出餐速度ok,唔算慢。
抵赞嘅系份量都算唔细，仲有绝大部份嘅饭或意粉竟然可以加底！仲要只系加两蚊！大食嘅可以加个底甚至加两个底，保证食得饱。唔洗俾人老屈叫多个餐，呢个褔利一般cafe都唔会有。
价钱方面，叫个饭叫杯野饮，一般都系百零蚊，其实都算公道，一般cafe无女仆招呼你都差唔多呢个价，但食物又可以，唔会差过加勒比海。
女仆方面就各花入各眼啦，我唔敢讲话个个都model咁靓，但次次去都总有一两个靓女嘅～最重要系佢地都几好笑容，有时见你一个人坐系度闷闷地都会主动过黎撩下你倾计，或者玩下游戏咁，几好笑容几热情，呢方面满意。特别有个叫Vivi嘅真系好kawaii 。平时都见唔少熟客经常上去坐下，因为价钱ok, 食物唔错，女仆又可爱热情。有时一个人，weekend无人约，都系想揾个朋友倾下计消磨下时间姐。因为上呢间cafe而同其他客混熟左，识到几个朋友系意外收获。完。
张贴
