魚川居 (已搬遷) 新店位置

观塘区返工每一日都忙碌， 中午揾餐晏昼都唔系咁容易。朋友介绍， 工厦入面有一间川菜系优质嘅， 而且午餐价廉物美， 今日决定一战。中午嚟讲呢度嘅人流唔算真系好多， 所以都可以算系休憩嘅好去处。水煮鱼米线，$60。 呢度嘅秘制水主系列有好多唔同嘅材料选择， 除咗鱼之外， 仲有鸡翼，猪肉，同埋羊肉等等。 水煮鱼个汤够麻够辣， 味道算系几浓烈， 同米线一齐食系十分好味。 水煮鱼嘅鱼都十分弹牙， 而且鱼嘅份量唔算少， 整体嚟讲算系几足料。