北海道食堂 (已結業)

成日经过呢间北海道食堂，今日想食日本野，不如来试下啦，拣左极上放题plan。食物种类唔算太多，不过有刺身，有炸物，有火锅，我地想食嘅野都有嗮。我地7:15去到，佢原来有分自选时间同限定时段7:30-10:00，唔想等多3个字，于是问下店员可唔可以入，店员又比我地入，服务都唔错。环境都几舒服，饮品、雪糕自取，饮品有冻有唔冻。第一时间order左刺身、沙律、炸物、小食同一个牛肉火锅。d野都系即叫即整，等左一阵先嚟两碟小食，墨鱼咀同鸡软骨，热辣辣，好滋味。刺身好新鲜，我最爱三文鱼同带子，叫左10几份，三文鱼入口即溶，带子大粒又清甜。其他刺身好似白玉䐁、喜灵鱼都好好食，叫左好几round，值回票价。炸物方面，海老天妇罗金黄酥脆，啖啖虾肉好满足。蔬菜天妇罗都唔错，解馋一流。其他食物味道清淡为主，如果好似我咁钟意食辣嘅人，台面有七味粉可以自己调味。食饱后食埋个雪糕，整体来讲都算满意。