影片
更多
2021-02-24
339 浏览
食得成「猫之眼」其实要多谢老板！话说，去到门口就有好多人排队然后由玻璃窗望入食店，已坐满人加上，小店嘅空间通常比较细轮椅入去嘅话一定会占去人哋好多位一心打算买外卖就算，但原来汉堡扒系无得take out。后来同老板倾多两句，佢就话「入嚟啦，排队等，尽量安排位置比你」就系咁，我成架轮椅入咗去坐 😍 真系坐得好舒服又食得好自在😌食店嘅装潢好日本小店feel多谢「猫之眼」老板！为咗报答你嘅好意，我决定食哂成碟饭！不过真心觉得好食！一粒饭都无剩同朋友分别叫咗🔸咖喱猪肉 + 和牛汉堡蛋饭 🍛- 卖相真系不得了！非常吸引！而且好香。白米来自日本，圆碌碌又饱满，咬落有弹性，就算有汁，白饭都唔会浸到软烂。另外，佢嘅蛋真系好滑，蛋味好突出。自己一向对日式咖喱都唔算好有好感，因为唔太钟意偏甜嘅咖哩。不过呢度嘅咖喱又令我食得几舒服，每一啖咖喱都带有甜味，咖喱里边有好多洋葱红萝卜，最重要甜之中有黑胡椒嘅辣味，非常好送饭，猪肉片软淋，唔错唔错。又讲吓牛汉堡，唔知大家有无睇过动漫或者日剧，好多时都会有汉堡扒嘅出现，每家每户都会做嘅家庭𩠌。咁究竟日式汉堡扒同一般西式汉堡扒(eg.汉堡包)有咩分别呢？关键就系有无加面
食得成「猫之眼」其实要多谢老板！话说，去到门口就有好多人排队
然后由玻璃窗望入食店，已坐满人
加上，小店嘅空间通常比较细
轮椅入去嘅话一定会占去人哋好多位
一心打算买外卖就算，但原来汉堡扒系无得take out。
后来同老板倾多两句，佢就话「入嚟啦，排队等，尽量安排位置比你」
就系咁，我成架轮椅入咗去坐 😍
真系坐得好舒服又食得好自在😌
食店嘅装潢好日本小店feel
多谢「猫之眼」老板！
为咗报答你嘅好意，我决定食哂成碟饭！
不过真心觉得好食！一粒饭都无剩
同朋友分别叫咗
🔸咖喱猪肉 + 和牛汉堡蛋饭 🍛
- 卖相真系不得了！非常吸引！而且好香。
白米来自日本，圆碌碌又饱满，咬落有弹性，就算有汁，白饭都唔会浸到软烂。另外，佢嘅蛋真系好滑，蛋味好突出。
自己一向对日式咖喱都唔算好有好感，因为唔太钟意偏甜嘅咖哩。不过呢度嘅咖喱又令我食得几舒服，每一啖咖喱都带有甜味，咖喱里边有好多洋葱红萝卜，最重要甜之中有黑胡椒嘅辣味，非常好送饭，猪肉片软淋，唔错唔错。
又讲吓牛汉堡，唔知大家有无睇过动漫或者日剧，好多时都会有汉堡扒嘅出现，每家每户都会做嘅家庭𩠌。
咁究竟日式汉堡扒同一般西式汉堡扒(eg.汉堡包)有咩分别呢？关键就系有无加面包糠，食落嘅口感亦大不同。猫之眼做嘅汉堡扒就系日式，texture系好软、棉、滑，有啲人会认为texture好软烂、松散，「肉感」唔够，呢个亦系佢嘅特色，所以好睇个人钟唔钟意𠮶种口感，我自己就一般啦，但又唔讨厌嘅，调味都OK呀，唔会好咸，整体系温和嘅。
🔸 咖哩 + 浓茄汁牛汉堡蛋饭 (朋友嘅)
- 基本上同我嘅差唔多，但佢换咗浓茄汁版。茄汁系同牛肋肉熬制而成，茄味浓，带甜，日式嘛。内里有牛肉粒粒食吓，都系软身为主，送饭零难度。
‼️♿️ 门口有一级，轮椅朋友想去嘅话，一定要带斜板！
不过，食店都有啲迫，揸车要好好技术。买外卖都OK嘅，但汉堡扒就唔可以买take out喇。
张贴
