Cocolo Tokyo Cake Factory (朗豪坊) (已結業)

今日系旺角食完饭，有D想买甜品返屋企食，经过朗豪坊见到呢间日式蛋糕店就比佢吸引左入黎。呢度最出名系日本青森直送既苹果批，我地买左外卖返屋企慢慢食。-青森苹果批$33我地返到屋企轻轻叮返热少少，果然热辣辣最好食，外脆内软，外面既酥皮好香脆，里面嘅吉士酱加埋苹果蓉好多，味道好夹，中和返苹果酸酸甜甜，系我地食过最好食嘅苹果批，食完好想再食！-香橙芝士蛋糕$28除左苹果批，我地仲拣左呢个香橙芝士蛋糕，芝士蛋糕好松软香浓，仲有微微嘅香橙味，味道好夹，而且一啲都唔腻，虽然个蛋糕有少少细件，但一件细细地岩岩好。呢度除左苹果批同芝士蛋糕，仲有其他味道嘅奶油蛋糕、蒙布朗蛋糕、慕丝蛋糕杯，样样都好精美好想试下，不过一定要encore个好味苹果批！