叻沙味道 (已結業)

想食星洲菜，见呢度新开，就同女朋友嚟咗呢度食晚饭。食物整体味道不错，以下逐一讲下先。马拉盏炒通菜富马拉盏的味道，不过食落唔系好觉食到虾碎，可能真系磨得好幼滑。墨鱼三宝叻沙 (中辣)整体味道不错，特别系墨鱼丸好好食，豆卜吸咗汤底好好味，如果椰香味浓啲平衡返会更好，因为辣味抢咗个味。皇牌招牌餐 (迷你叻沙 (小辣) + 迷你肉骨茶 + 迷你海南鸡饭)小辣叻沙个椰香味同辣味比较平衡，不过都系椰香味浓啲会更佳；肉骨茶味道佳，饮落像肉骨汤之后散发出阵阵药材味及胡椒味；海南鸡饭的海南鸡有鸡味，肉质虽未算嫩滑，但不「鞋」口，油饭够香又够味，只是稍为硬身啲啲。手榴弹鸡翼炸得香口好脆，鸡肉味道亦不错。菠萝梳打新鲜菠萝肉，但梳打水不够汽。青柠梳打柠味足够，梳打水亦够汽。