彩晶軒 (已結業)

同屋企人响加连威老道行街，之后想揾地方食野，于是黎左呢度。片皮鸭：食片皮鸭最怕包鸭肉块皮干争争，但呢度就刚好，佢地仲好细心咁每一块都用纸隔开，夹起果阵唔会一夹夹起几块。原先要控制自己只食两件，但食下一件又一件，最后食左四件！菜胆鸡汤翅：不过不失，我对食肆的餐汤都系一般，饮落有汤味不太咸已经算合格了。上汤龙虾伊面：好大碟，食得出龙虾味道，最重要的系唔太咸。生炸蚝：炸得刚刚好，蚝本身好滑。最衰我地咁o岩六个人，一人一件无得encore！菜丝（西芹、洋葱、咸酸菜）炒鸭丝：鸭壳起肉切丝，再加芹菜，食落很惹味。其实我地个个都食到饱，都要打包拎返屋企，用黎第二日炒米粉。甜品：非常有惊喜！ 一set有四杯迷你甜品，有芒果布甸、香芋布甸（2杯），仲有龟苓膏。香芋布甸好香好好味，但龟苓膏略嫌苦左些少。揾日中午再过黎呢度的话，试下饮茶先得。