焰淑泰國餐廳 (已結業)

今日去铜锣湾觅食，发现原来登龙街有唔少睇落唔错嘅餐厅。朋友好钟意食泰菜，所以我地就拣咗依间餐厅。唔知系咪最近开先有依个优惠，但逢星期一至日都有两款菜做半价都几掋食。而且中午出面有半自助形式嘅bar，可惜我地食晚餐冇机会食到。今次食咗推介嘅鲜虾炒金边粉($98)。卖相唔错。有薄薄嘅蛋网住金边粉，旁边有辣椒粉同花生粒。金边粉炒得好入味，而且好足料呀。另外叫咗个特色小食拼盘($128)。都几大碟，有炸虾饼、炸鱼饼、沙嗲串同特色春卷。分量足够两个人分享。其中炸虾饼同炸鱼饼做得好出色。炸虾饼个炸皮唔厚，虾肉弹牙，好有手打嘅感觉。而我就最钟意食鱼饼，佢好有香茅同鱼嘅香味。沙嗲串不过不失。个特色春卷可能我哋摆耐咗个皮就唔脆了，但入面嘅馅都塞得好胀卜卜。拼盘连埋沙嗲酱同泰式辣酱一齐上，不过我哋觉得都够咸就无点。辣汁猪颈肉沙律($88)。所谓沙律其实系生菜，餐厅比咗好多猪颈肉我哋，虽然就咁食可能会有啲咸，但包埋生菜就觉得都几好食。猪颈肉调味好足，咸咸地微酸，香料味浓，几有泰国味道。朋友叫咗个圣狮梳打水($22)。我嘅冻泰式奶茶($22)有泰式奶茶嘅茶香，但就唔会好似泰国𠮶啲咁甜，正合我意。