Grill n More (已結業)

农历新年前同女朋友喺Popcorn买衫顺便买啲礼物拜年，谂住食个饭先。上到餐厅𠮶层见到呢间烧肉放题店有做Set Lunch，最后就决定入去试下了。嗌咗一份烧烤拼盘，配荞麦面、人参鸡汤同可乐。烧肉有腌好嘅牛仔骨、鸡翼、一字骨、五花腩等等，咩都有啲，啖啖肉最啱食肉兽（我地）。不过食食下感觉有啲油腻，如果有份沙律食下会更好。另外叫咗个石头锅饭，都系套餐，入面有牛肉、泡菜、萝卜丝、芽菜、菇等等，份量很多，一定够食，顺便补充下淀粉质和蔬菜。不过感觉装得太满，搅拌时容易满泻，宁愿佢放少啲饭，因为我地最后都食唔哂，两个人share一份烧肉+一碗石锅饭其实会好饱。对于Lunch嚟讲，放题可能太Heavy，呢份Lunch Set已经够食有余，如果午餐想食烧肉可以试下。