綠色素食份子 (已結業)

之前去旅行嘅时候餐餐大鱼大肉，今晚好想食啲清清哋嘅素食，就决定去素食分子试吓。餐厅的装潢不错，好有家嘅感觉，枱与枱之间嘅距离都好适中，唔会好似其他餐厅咁迫到行都行唔到，环境的确系几舒适。呢度嘅素食菜式选择都好多，因为今次系第一次来呢度，所以叫咗个二人套餐，咁我哋就可以试多啲菜式啦！今晚嘅例汤系菜干汤，碗汤都几足料，味道都几清甜。碟口水鸡都几辣，不过都好惹味。黑醋骨酸酸甜甜，都十分之好味。呢度嘅食物整体味道都唔错，下次来可以试吓其他菜式。