Feast Oyster Bar and Restaurant (已結業)

自己一路都好钟意去唔同地方度食High Tea，今次特登嚟呢度，主要系因为想试吓由蚝吧整嘅High Tea，我觉得呢个系最大嘅卖点；先唔去评论好食唔好食。整餐食完，埋单果下$700有找，算系可以接受的范围。餐厅系以一种工业风设计，$298一个下午茶嘅Set，两杯香槟同埋两杯咖啡；价钱来讲，我都觉得算系OK。英式茶点共三层：第一层系热食，Medium Well的牛肉汉堡，烧得尚算不错；但肉汁略嫌不足，建议可以加入例如BBQ source或烧汁丰富口感；烟三文鱼鱼油丰富，配香槟🍾余韵无穷；哈密瓜再配上Parma ham，咸甜交集，取中庸之道，不甜不腻。第二层搭配士多啤梨酱窝夫、马卡龙同埋朱古力Brownie，Brownie有好丰富浓郁嘅Texture，系其中一个令人回味的糕点；底层有法式焦糖炖蛋、Apple Crumble，都有好浓厚嘅Texture，Apple Crumble有丰富嘅糖浆，内里有丰富果肉，甜度十足。