韓味屋 (已結業)

追月夜已经食月饼食到济济地，落楼谂住食少少野当晚餐, 谂起呢间开左甘耐都未试过就去试下，全店只有2x个位，因为已经8:30所以吾驶等位。见到隔离枱碟炸鸡好大碟泡菜饼好大个，知道我地两个人无可能食得落，所以只叫左个牛骨肉同青花鱼牛骨肉几好味不过似中菜多过似韩菜，青花鱼煎得好香好好味。两个菜已包前菜，汤，白饭。前菜同白饭都可以再添。前菜肯定系呢餐最大亮点，虽然佢啲泡菜我觉得麻麻地，但个薯仔同酸萝卜好好味。个汤吾记得影相，不过都无乜特别。连个茶都好有诚意，热饮好味！一间好有诚意，招呼好好，价钱实惠味道又好嘅街坊小店，唯一缺点应该就系舖位实在太细坐位有限兼坐得吾舒服。