TED's Lookout (已結業)

今次lunch time黎到湾仔月街食饭。日月星街呢度有好多好嘢食，而我今次就试下呢间Ted’s Lookout。呢间餐厅虽然面积唔大，但都有分户外同室内座位。室内环境几好，有个开放式厨房，装修亦有外国风格。但见天气凉凉地，所以我地就拣左坐户外座位。Lunch time 其实净系得8款嘢食拣，餐跟汤同餐饮。我地两个人就拣fish and chips 同 grilled chicken pasta餐汤系罗宋汤，餐饮叫左冻柠茶，两样都正正常常。至于Fish and chips ，就好有水准！鱼嘅外皮炸得好香脆，但入面嘅鱼好滑好软亦有少少汁，完全做到外脆内软嘅效果。薯条亦炸得好香口，加埋调味粉令味道更丰富。至于grilled chicken pasta 亦都唔错！鸡煎得刚刚好，唔会太dry。我最钟意佢个pasta，煮得好creamy，好合我口味。