河內大娘越南餐廳 (已結業)

今日去咗尖东行街，突然之间想食越南嘢，于是去咗呢一间。咁呢间铺唔系好大，但装修得都几有越南特色，天花挂晒灯笼咁。我哋两个人嗌左两个主菜，嗌咗一个好特别嘅叫奥巴马粉，听人讲系奥巴马去越南嘅时候都会嗌嚟食嘅，个粉好似其他檬粉咁，有个酸酸辣辣嘅汁，配埋啲腌好咗嘅猪肉，个猪肉腌得好入味，几好食。另一个𩠌叫顺化粉，系好地道嘅越南菜，同其他汤粉一样，不过啲𩠌比较少见，有扎肉，猪手，肉丸，猪红。个汤有少少辣，有少少东南亚嘅风味。之后见仲食得落就嗌多咗一个烤肉串，上碟仲热辣辣，应该岩岩焗好，外脆内软，仲有啲肉丸，正。