青椰

营业中

休息中

之前有见启德体育园区新开张，特意来参观光顾下。有好多餐厅都未开，辗转就选择咗呢一间越南餐厅。星期六夜晚都要等位，可能唔少香港人都比较好奇，想去参观新事物。等咗接近半个钟，终于可以入座。环境比一般茶餐厅好，但系都唔好要求太多，服务算系中上水平。至于食物方面选择非常多，令人眼花撩乱。最后我同另一半就叫咗四样嘢，包括香芒大虾米子卷、泰式生虾、街头鸡肉串烧、同埋香叶蟹肉辣肉碎伴脆脆球。食物嘅卖相可以参考我附送嘅图片，味道嚟讲全部都好好食，最有特色同我最推荐嘅系个脆脆球，味道相当特别，而且其他越南餐厅我都冇乜见过呢度菜，值得一试。埋单都系大约三百几蚊，非常物有所值。