品越越式料理 (雅蘭中心) (已結業)

是日系 mk 睇完中医，饿到一个点既时候我系唔会谂到任何野，但系又要戒口，于是求其见到越南野谂住有粉面就可以就冲左上去食🙈 话哂系连锁店，质素都 ok 既。生牛肉河份量唔少架，唔孤寒😆 钟意食生牛肉系因为要几成熟都可以自己决定，个人一向茹毛饮血，好少餐厅敢煮咁生上枱，自己黎就最 perfect 😌佢仲好慷慨咁俾一大篮洋葱九层塔你自己加~ 海鲜蛋包面唔错，虽然系炒金边粉加蛋咁，但甜甜地又有🍤，好足料❤️ 烧猪颈肉略为咸左少少，同埋串烧无理由唔点下沙嗲汁既，但点完就咸令我好难取舍😅 软壳蟹米纸卷还好，材料都丰富既，芒果够甜，只系摆左一阵之后放入口有少少湿得滞既感觉。