日本橋海鮮丼 つじ半 TSUJIHAN

营业中

休息中

之前去完机场玩之后，要喺东涌揾嘢食，本身唔系住东涌，所以唔熟东涌有咩好嘢食，辗转喺商场行咗一阵就拣咗呢间过江龙餐厅。嗌咗个特上鱼生饭，师傅人数好少，所以上菜速度偏慢。不过坐喺吧枱度可以睇到师傅即场制作鱼生饭，系一种视觉嘅享受。鱼生饭有四片鱼生作为前菜，个鱼生饭味道相当唔错。个鱼生饭系两食嘅，一开始先食鱼生饭，最后会加啲鱼汤变成泡饭。当然有好多食肆都有提供鱼生饭，但系提供两食就比较新颖。我个人觉得呢间嘢唔错，但系我未必会推荐唔系住喺大屿山区嘅人专程入嚟食。反而如果系入嚟大屿山或者机场玩嘅人，我就会推荐可以试一试。