紅螞蟻 (已結業)

永远我地食野都系多过人既，佢两位既枱超逼，除非真系每人叫一个茶餐，否则想将所有野食放得落张枱度都几难。我地正烦恼佢D野唔知点上枱之际，一个发型男WAITER好有见地，主动问我地转唔转卡位，好多谢佢既专业态度，好NICE。当然以我地食野既份量，卡位都系刚刚好放得落晒架咋，不过佢有先见之名，我好欣赏佢㖞。仲主动REFILL热茶，服务几良好。但呢个只讲紧系个发型男，因为女既都黑口黑面的。讲野食野，我地叫左个二人餐，都有几多野拣既，小食拣一款，主菜拣两款。小食我地拣左炸猪大肠。够脆够干净，味道唔错。主菜我地点了焗猪扒饭，茄汁比较酸，但我个人好喜欢呢种汁，因为好开胃，但怕酸既人可能唔多0岩，但佢有芝士面，焗得真系好味。另一个主菜点了猪颈肉饭。呢个我个人唔太钟意食，其实猪颈肉本身都好软得黎爽，都几好味，可惜配落个饭度好似格格不入，个饭根本冇融合猪颈肉既味道。唯有系讲猪有猪味，饭有饭味啦！令外加廿蚊可以叫一蝶樱虾豆腐，呢个系令人失望既选择，一点都唔觉得好味。我地净番一件食唔晒添。我地另加一蝶鸡翼，呢款小食算系不过不失啦。总括黎讲，由于我喜欢发型男既服务态度，同埋猪扒饭，我都系觉得呢度系值得去既地方，