OK德海南雞專門店 (新都城中心) (已結業)

本人对米饭兴趣不大，唯独油饭可以食几饭。同朋友仔行完新都城，见有间食店名为Ok德，最重要系有海南鸡，食嘢又可以揾地方倾吓计，何乐而不为。餐厅座位阔落，坐得舒适，墙身油上灰色油，仲有唔好多车牌，灯等挂饰，几别致。食物质素唔错，但比起油饭，我更欣赏汤河。值得一提，职员十分有礼。越式香茅猪扒河粉，浸喺汤都唔会太淋，而且肉质唔鞋，唔错。越式生牛肉河粉，牛肉颜色吸引，肉质新鲜，每片牛肉都好平均，但两款河粉唔够滑。秘制潮式卤猪脾饭炆得入味够淋夹起亦唔会散，汁亦几惹味。招牌去骨海南鸡饭，鸡够滑有鸡味，但饭就麻麻，唔够香。秘制咖哩牛腩饭，牛腩几淋唔韧，咖喱够香。四川麻辣口水鸡饭，同海南鸡一样咁滑，唔会太辣，味道唔错。红枣龙眼蜜及雪梨苹果蜜。