新記茶餐廳

营业中

休息中

经过见到呢间餐厅，就同个朋友入左去试下，呢间系食潮州菜为主。我地就点左几个小菜，价钱不算太贵，正常大排档价钱。1)蜜糖骨 (全名唔记得)呢个𩠌真系好好食，好香口，脆卜卜，味道几特别，仲要岩岩炸起，热辣辣 ，必点。2) 啫啫炒菜心呢个𩠌真系普普通通，比新南苑个d大排档就比下去， 唔够惹味 ，但味道尝可。3) 猪红韭菜呢个𩠌都唔差，个汁好够蒜香味，有d辣，猪红够淋入味，唔会似出面个d硬骨骨又冇味。4) 胡椒花甲猪肚汤呢个汤就好普通， 花甲有少少雪藏味，汤不是太浓， 但胡椒味够重，够 辣 。5) 蚝仔碎肉粥个粥都系正常味，冇咩特别，但都几多蚝仔。整体黎讲都讲都算好味既，特别系个个蜜糖骨，正。