阿鴻小吃 (已搬遷) 新店位置

原来除咗我之外，有好多人被我带到来呢一间米之莲食店食过之后都会赞口不绝，咁其实佢以味道来讲就真系几好嘅，不过价钱是＄65.一个双拼饭来讲可能会贵左少少，但系质素搭救。双拼饭有猪腩肉，猪颈肉，元蹄，墨鱼等等10款卤水料可以选择，其实款式都几多。必叫的当然系元蹄，墨鱼，我嘅最爱。份量够多，每样有成十几件。仲有配菜，配菜就个个唔同，比较常见的系什菜或者长豆。今次想特别介绍嘅就系佢个老火汤，平时老火汤肉差唔多要30几蚊一碗。通常呢就会有老细埋单我先会叫，哈。但系今日发现佢呢个汤如果跟餐的话加＄16就有，真系几抵。味道来讲，饮起嚟真系唔觉得系味精汤，味道好浓，真系真材实料，有经过好多材料同时间煲，16蚊值得饮。