鳳鳴居

营业中

休息中

星期日响龙琛路体育馆打完羽毛波，打完波就晚饭时间，但又唔系话好肚饿，咁就去咗对面马路少少地食碗面啦。叫咗碗姬松茸鸡汤面，一上枱就即刻试啖汤底先啦，入口鲜甜，浓郁有鸡味，忍唔住口会饮多两啖。鸡件份量都唔少，鸡肉唔会鞋口，都食到有D鸡味，跟配果碟豉油都无点过。姬松茸入口都脆嫩，吸咗鸡汤嘅味，多咗一份层次。食晒碗面，最后D汤都饮咗8成，真系几好饮。价钱唔算贵，有返一定质素，呢间面店下次会再帮衬，试埋其他面。