韓宮 (已結業)

放工约埋朋友食个韩餐，太耐无见，又太耐无食韩式烧肉喇！.虽然舖头细细，但系韩国菜基本款式都有，我地仲叫左只酱油蟹食添！$198一只酱油蟹，配埋个紫菜饭，又唔算太贵㖞👍🏻依度嘅酱油蟹系韩国老板娘自己腌制，唔会死咸，仲食到蟹肉嘅鲜味。蟹膏捞埋个紫菜饭真系一流呀！.两个人食唔到太大set嘅烧肉，我地叫个猪肉二人set，包括有五花腩肉，辣酱五花腩肉同猪颈肉。五花腩肉可以烧耐少少，烧到迫出肥油，到油脂变香，再配合旁边嘅泡菜食，味道刚好。辣酱五花腩肉有豆瓣酱嘅香，实在唔太辣，腌得刚好。仲可以配旁边烧至拉丝嘅芝士食，又系另一享受。我地慢慢烧猪颈肉到爽脆，我地就系少叫份生菜去包肉食，不过配上芽菜都系不错。仲有个烧雪耳都好正呀，爽脆爽脆.烧肉食到差不多，系时候食个水冷面清新一下味蕾。我喜欢水冷面加少少白醋，配上韩国嘅梨子切条一齐食，好清新，好解油腻。