皇茶 (已結業)

见到呢间饮品开咗大概两三个月都未饮过，今日食完饭经过我就谂住试吓饮一杯，平时我都系饮珍珠奶茶比较多，但系今次去到见佢有好多唔同嘅海报喺度，介绍好多特色饮品。所以我就问咗佢有啲乜嘢比较特色嘅饮品，佢就推介左呢一个芝士抹茶饮品，有冻饮同埋热饮，都可以自己拣多冰，小冰，多甜，少甜等等。原来佢呢个饮品有一个特色嘅饮法，就系先唔好用饮管饮，就咁打斜饮一啖，饮落去第一啖嘅感觉就系有啲咸咸地嘅芝士，之后就系绿茶香加鲜奶味，有两种层次感。值得细味。之后就可以搅匀来饮，同一般嘅绿茶鲜奶味一样，但系有一种咸芝士味渗出。饮完之后都唔会有好渴感觉，亦都唔会有我最怕嘅绿茶苦味。最紧要系无𠮶种用绿茶粉冲出嚟嘅分层唔均匀。呢到饮嘅系好软滑，好评！