Oaoa Pizza House (太吉樓) (已結業)

经过见到有间新开嘅Pizza店，仲有得双并，忍唔住试下先。选择都几多，仲双并仲可以拣一半辣，一半唔辣。十一点半去到都已经有人买紧。要等半个钟先有。虽然有啲耐，但保证新鲜出炉。可以预先打电话order。去拎时都见到有几个系电话落单先过嚟拎。留意一点就系只收现金。可能因为新开未整咭机。服务态度都几好。不过得收银一个人，可能有啲手忙脚乱😂。叫咗个大批一半羊（小辣）+一半蘑菇辣肉肠（唔辣）薄批。羊有羊味，都几充料，羊肉啖啖有，好味，蘑菇辣肉肠都好好味。有送自制酱料，但我本身唔钟意食酱，所以无试到。呢间我会再帮衬😆😆。