Cafe Paradise (杏花邨) (已結業)

陪朋友去左杏花邨商场行街，行到饿饿地就拣左一间西餐厅坐低休息食野。我地拣左当天的set lunch，包餐汤同埋饮品。.餐汤既质地比较稀一啲，入面无咩配料，味道普通无咩特别。是日特饮喺柠檬梳打，味道有啲似某牌子的柠檬味汽水。✨芦笋海虾炒意粉海虾有三只，肉质爽口弹牙，已经去除了外壳所以易于食用。意粉入面伴有细碎既芦笋粒同埋生洋葱，个人觉得芦笋嘅份量太少而且切得太碎，建议整条上碟会比较好睇啲。另外意粉的份量都偏少，女仔刚刚好但男仔可能会觉得唔够食。另外见到碗碟比较残旧，碟边都有些藏了污迹的缺口，令人感觉不太干净企理。