錦壽築地 (已結業)

先唔讲食物，净系打去订枱已经好深刻印象，职员好有礼貌，唔会机关枪式对答，只系订枱嘅过程感觉已经良好上到餐厅，装潢几好，餐厅几大，我觉得枱都阔落，去洗手间个阵仲发现里面有两间房，人多朋友聚会可以自成一角点左芝麻豆腐沙律，芝麻八爪鱼，刺身拼盘，鸡泡鱼干，鸡翼，野菌炒杂菜两个小食都好好，豆腐好香好滑，芝麻酱系分开上，而且唔会太咸，可以随自己口味添加；我地觉得八爪鱼都几惊喜，因为未见过咁大只八爪鱼，而且酱汁有别出面食嘅，唔会死咸，带啲甜味；刺身我地觉得以价钱黎讲都好好架啦，综合黎讲，冷盘啲食物够冻，我地最怕食到比室温冻少少嘅冷盘，原因你懂的鸡泡鱼干无咩特别，只系坏朋友饮酒帮佢地点啲下酒菜；野菌炒杂菜反而有啲惊喜，有牛油香但系唔会太油腻，味道调得几好；鸡翼都不过不失，重口味嘅人可能觉得会淡口啲落单个阵职员都好细心问我地当中有无人唔食鱼生，因为佢地可以先安排熟食。不过呢，坐椅唔够高，变左无隔音，环境系有少少嘈啰。