影片
更多
2008-03-06
46 浏览
朋友介绍黎呢间上楼cafe，因为有个大露台(都有成5, 6 张台)可以食烟，实在太好喇，而家真系难揾=.=星期三夜晚八点，都仲有好多位，又实在太好喇，铜锣湾度度都要等位实在烦。不过九点几十点又开始多人，都爆场。环境几好，装修得几靓，又干净。普通饮品如冻柠茶果d - $28, 鲜炸果汁$33, 花茶好似$38咁上下, 意粉餐大约$58, 包一杯$28 的饮品。价钱合理，我觉得算几平添，去过好多d 餐都要六七十。朋友叫左焗吞拿鱼螺丝粉，我要左烧汁香茅猪扒螺丝粉。都等左大约半个钟，但楼上cafe 多数都系咁架喇，同埋我地都系旨在有个环境舒服既地方倾下计，等耐少少，可以接受既。个香茅猪扒唔错，好香口又唔会干，但系ｄ螺丝粉就好硬同冇味，朋友个焗螺丝粉都系冇乜味，硬左ｄ，但都唔算太难食。招呼都唔错，虽然全场得一个哥仔，不过佢都几快手，有礼貌。我饮哂杯果汁，佢仲主动比杯水我，真系好，赞。我地不停咁倾计，坐坐下又叫多个blueburry cheese cake同叫多杯mocha，个cake就麻麻，稍嫌硬，同埋唔够香。总括黎讲都几好，环境舒服，饮品ok，下次或者试下意粉啦，呢度算系铜锣湾区想倾计坐得耐既
星期三夜晚八点，都仲有好多位，又实在太好喇，铜锣湾度度都要等位实在烦。不过九点几十点又开始多人，都爆场。
环境几好，装修得几靓，又干净。普通饮品如冻柠茶果d - $28, 鲜炸果汁$33, 花茶好似$38咁上下, 意粉餐大约$58, 包一杯$28 的饮品。价钱合理，我觉得算几平添，去过好多d 餐都要六七十。
朋友叫左焗吞拿鱼螺丝粉，我要左烧汁香茅猪扒螺丝粉。都等左大约半个钟，但楼上cafe 多数都系咁架喇，同埋我地都系旨在有个环境舒服既地方倾下计，等耐少少，可以接受既。个香茅猪扒唔错，好香口又唔会干，但系ｄ螺丝粉就好硬同冇味，朋友个焗螺丝粉都系冇乜味，硬左ｄ，但都唔算太难食。
招呼都唔错，虽然全场得一个哥仔，不过佢都几快手，有礼貌。我饮哂杯果汁，佢仲主动比杯水我，真系好，赞。
我地不停咁倾计，坐坐下又叫多个blueburry cheese cake同叫多杯mocha，个cake就麻麻，稍嫌硬，同埋唔够香。
总括黎讲都几好，环境舒服，饮品ok，下次或者试下意粉啦，呢度算系铜锣湾区想倾计坐得耐既一个好既选择，又唔贵。
张贴
